من كثرة الكره بينتوا العدائيّه
ومن دافع الحقد لا تقولون حريّه
بقلوبكم غل للإسلام وأركانه
والله يعلم عن اللي داخل النيّه
هذا محمد رسول الله محبوبي
وإهانته ما تمر القلب عاديّه
إي والله إلا نثور ونقلب الدنيا
وقلوبنا للنبي حبٌ وغاريّه
هذا محمد رسول الأمه الوافي
خاتم لكل الرسالات السماويّه
هذا أبو الطيب كلّه وقلبه الطيّب
مليان رحمه مع رقه وحنيّه
هذا محمد أمين الأمه الصادق
ما هو بفاحش ولا لعّان مو ليّه
أدّبه ربي وأحسن ربي تأديبه
وعلمه إن البشر عنده سواسيّه
وحنّا إقتدينا بمنهاجه وأخلاقه
ما ننتهج نهجكم بأخلاق دونيّه
بس لو تعرفون شخصه كيف وأطباعه
ما كان شلتوا لشخصه أي كراهيّه