مَرَق الوقت عالخوف
بس الوقت ما خاف
مَرَق الحكي بعيونهن
طِلع الحكي شفّاف
والرّب عم يضحك معن ما بيعرفو
ما الرّب ما بينشاف
مرق اللحن فوق الوتر متلو متل آية
مين قال يا ناي القصب مابدّك سقايي
يا طيور عم بيشخبرو فوق السما ضلو اكتبو
مالغيم محايي
عيشو الوقت متل الحلم.. متل الصحو.. متل الوجع
كلشي إلو نهاية
مرق الفقر ع بوابهن.. ضهر الخشب بيحن
ريحة عطر بتيابهن.. الاكمام عم بتئن
فنجان قهوتهن عِتق
نَشَّف عليه البن..
بكرا بيجو.. ضلّو انطرو.. هك خَبَّر العَرَّاف
ضلّو اعشقو.. ضلو افرحو
تَيزَهّر الصفصاف
تَيضل في موسم قمح عم ينتظر القطاف
وتَيضَل الله بمطرحو
لو كان ما بينشاف