أن قلت مرتاح كذب قولتي حالي
وأظهر خفايا عيونٍ تجهل الراحه!
من غالي أقفى وخيب هقوة أمالي
وبعض الهقاوي لا خابت حيل ذباحه
خذني طريق الغياب الموحش الخالي
ومن لا قوى للمفارق يتبع جراحه،
كم لي وأنا مع غيابه دالةٍ سالي
مدري على وين ماخذني بمرواحه!
ياوين أبهرب وأنا طيوفة.. تراوالي،
ودموع الأشواق ماترحم وفضاحه
دامة بقلبي سكن مجبور ب وصالي،
ماهو بكيفه يطفي شمعة افراحه
لو ملتمس لي عذر ماطال موالي
ولو ما التمس لة غلا ماكثرت رماحه
ما والله.. أني شكيتة من تعنالي
لكن شكيتة على قلبٍ نسى الراحه!