انتي وجرحي مع تصاريف الايام
والصدّ والحرمان فيني قصيده
تشرح معاناتي وصبري والاحلام
اللي على فرقاج صارت بعيده
والشاعر اللي أصبح الصبح ما نام
حاله عقب فرقاج ماهي سعيده
مثلي زرع للحبّ في أرض الاوهام
والحزن يبطي ما يشح برصيده
واللي قضى من عام ايصير ذا العام
واشوف وقتي جرح عمري يعيده
في بسمتي تقرى تعابير الايتام
الناس من حولي وروحي وحيده
نزفي هموم وآآآه واوجاع واللآم
ودموع طاحت فوق خدي شهيده
ولا صار حبري دمّ وضلوعي اقلام
لك خافقي كل جرح صفحه جديده
وانتي وجرحي مع تصاريف الايام
والصدّ والحرمان فيني قصيده
تشرح معاناتي وصبري والاحلام
اللي على فرقاج صارت بعيده