اصغ يا صاح نحيلك فلامة لشياخ شاين صار
بين الكلمة مع لوتار
جلسة شهوة من دلسها قال عليها مناضرة
بدات الجلسة بالسلامات ما تسمع غي شمن خبار
رماد من تحتو النار
كانت ليلة وشمن ليلة تقول عليها مساقرة
كلها لصحيبو مبارز يساوي تجبا د فلوتار
من غيرما جبدان عار
بالكلمة الرايقة النبيلة تقول عليها مشاورة
بين النكتات والنقايم تكسر ليهوم العبار
خرجوا عن دايرة لوقار
ونسا لمخير فيهوم صوارو وجميع ماقرا
اسمع اصاحبي حكيت صغ وروا لحكايتي
واقع كو ما رويت ايلا تفهم غايتي
وايلا اناسكت ما دويت تقل فعيني عنايتي
نطق واحد قال ليهوم اسيدي كي جرا وصار
وانا حفاظ ملكبار
مشهورنطقي بالفصاحة كاع اعمالي مقدرا
ايلا ننشد بالحجازي او بالماية مع لطيار
تدهل تحير وتحتار
تقول عليا تشيلو مساوي ولا شهدة مقطرا
وايلا نحضر فلولاعة والهيفا خالعة عدار
نفدي فلكلمة الثار
ونخلي لحضورتتمايل ولو نخبة معفرا
اما سحرت لك ملبنات الريم غويثة وفاطمة
حلال سحر الهيفات تخلي العد رات ساهمة
عطا واهب كل شيات والجاحد بيها اعمى
نطق لاخورقال ليهوم سمعو يا لامة لحبار
لنظام مثلوها بدار
ساسها لوزان ولقوافي وبلمعاني معمرا
لولا لكلام ولميازن وما من بديع فلشعار
ياو مقامات دلوتار
لا عمرو كان شي مرقي ولا أمة محضرة
ايلا قلتي شيخ ناجم ومتميز بالافكار
هات قصيدة من لشعار
صردهاو ماتكون عاتر تبقا لينا مسطرا
وايلا لكلام جاك واعرقيل انصحك من لعتار
قبلا تخلا ليك دار
وتولي بين القوم شوهة ما لك قيمة معتبرا
دواو الحضار بالنباهة وقالوا يا لامة لخيار
هدا لي بينكوم عار
شياخ النظام ولقرايح مرتابتهوم ظاهرة
لا نظم نشتهر بلا فصاحة ولو يكون من درار
ولاعمرو يوم بار
كيف الياقوت فلقلادة بذهب التشحار دايرا
الشي ملشيا نزاهة قالوا في سالف لخبار
ولغريب سباب فلغيار
الفن ما نا قصوخصوما ولا لي يعيد ما طرا
امتى ياصاحبي نشاهد ناس الفنون كلقمار
ما شاعلا بينهوم نار
هذا يمشي في خطا ذاو بلا نعرة مدمرة
ذاك الساعة نقول شاني يعلا يا لامة لبرار
ويزول الضيم ولكدار
بين الودبة نكون جالس نرشفو كيسان دايرا
لمريض فلغصان ساقط من دون رياح ولا امطار
ساهل يتكدا جمار
ولي اصلو شديد تابث ماتدور عليه دايرا
اراوي روى من معيني وكسي راسك بلوقار
الفيلالي بلا فخار
ماناشي عمري مطفل ولا داري بلا مرا
من سالمني وكان عاني بيا نجزيه بلشكار
وتكون اخباري لوخبار
ومن لغاني يكون ملغي عندي ونذكروا بما درا