اعظم شهادة فالحياة التجارب
والّي سِبَح دنياه يعرف علومه
رجّال عند القول ياقف مُحارب
وعند اللُّزومه ما تلاقي لِزومه
والطّير يهدّي عند برم الشوارب
وسوم نفسه يوم سعّر هُدومه
يا هيه هدّي ليش فينا تكارب
من كبّره حيله نصغّر خشومه
مثلك يخاف الليل وظلّه بهارب
والفخفخة كانت معالي حلومه
حنّا تعلمنا نواجه عقارب
ولا نهابه يوم يرمي سمومه
واكبر عقاربنا وعند الأقارب
الّي تشبّكنا عَ ولد العمومة
وعينك على اللي كان يسدّ المآرب
بالطيب والعرفان تمشي سلومه
ولا نسانا فيوم عند التضارب
عز النخاوي ما تأخر هجومه
وبحر التجارب كلّنا منْه شارب
واحفظ طريق الحق طيرك يحومه
لدغه تعزّك بالتجارب فيا رب
ولا بلدغة هاملٍ عند قومه