لا تشك فحبي ليك

لا تشك فحبّي ليك

دام تسكن في الخفوق

والصدر شيّك عليك

مثْل دقّه في العروق

كلّ دقّاتي تجيك

بالمحبة لك وسوق

دام دمّي في يديك

راح أبوس أيدي بشوق

شف حبيبك يحتميك

لو مشاعرنا حروق

قلبي يفزع هو يبيك

والألم ما انته تذوق

حتّى حلمي يشتريك

لو تمرّه ما يفوق

مدري كلّي يكتفيك

وانت كلّي يا خلوق

لحْمي ودمي بيشتهيك

والتّنفس لك يتوق

يا نِفَس لأنفاس فيك

شيّ بيجذبني بطوق

مثْل غيمة ترتديك

وغمرها يرفعك فوق

يا سعادة منتقيك

كثر شمسٍ مع شروق

وكثر ناسٍ تلتقيك

وكثر أمطار وبروق

ما على الدّنيا بْرُقيك

أنت الأصلي بالحقوق