يا دمع عينٍ على الخدين همّالي
ويا وجد عيني لحسٍ غاب ما أوحيته
متنٍ لموتك غدا مزري وحمّالي
اليا حضر بيت لجل الشوق دنّيته
قدمي يزول الكدر ولا العمر زالي
لا والله إلا العمر يمشي وعديته
يا جعل ربٍ خلقني يلطف بحالي
ربٍ كريمٍ بتالي الليل ناجيته
يدمح ذنوب العباد ويزبن الجالي
اللي ضيوفه تطيب وتدله ب بيته
عزّاه يا فجعتي ويا كثر غربالي
يا ملّ دمعٍ عقب فرقاك هلّيته
قدمي بموتك جرى ولا يورّى لي؟
لا والله إلا جرى شلته وضميته
غصبٍ جرالي وفوّح بالغثا دلالي
حقٍ أمامي جرى لو ما تمنّيته
يا كم نصيت أشتكيك قصار وطوالي
واليوم سهم المفارق ما تشكّيته
فزيت ب اشكي لقلبك سوّ ما جا لي
وذكرت موتٍ اخذ قلبك وخليته
حزنٍ شمت به علي جموع عذّالي
يا ليتهم اوجسوا حرّ الموت يا ليته
يا كم تخيّلت شوفك وانشرح بالي
يا كم بشوفٍ على جمري تحرّيته
يا جعل بيت الحمد بيتي ومنزالي
اليا تداحت حزونٍ فيك طرّيته
وقبرٍ شريحٍ بجرمك حايز ونالي
حبّيت صخره بهوجاسي ومرّيته
يا كم بموتٍ حدانا ماخذٍ غالي
أقفت طيوفه ولا قفّى بنا صيته