كرُّومي إن كان تبغي المرجلة والمنصب الزين
احرص على العلم ف إن العلم يوصِلْك المعالي
ولا تهاون بدينك واعلم أن العز في الدين
ولا تصاحب ضعاف النفس وأشباه الرجالي
والصمت حكمه ولو سولفت خلك منطقك زين
واعرض عن الكلمة اللي في المجالس ما تقالي
ولا تعالى على الجيران والناس المساكين
الدين حسن الخُلُق خلك فيَ أخلاقك مثالي
ولا تهاون بطاعة والٍدَيْك وبرّهم دَيْن
ملزوم فيهم تعاملهم بطاعة وامتثالي
واصِلْ قرابتك وأصحابك ومن هم لك محبين
ترى تواصلْك بالأرحام من طيب الفعالي
ولا تدَيَّن وتقْضي الدَّين طول العمر بالدَّيْن
واحفظ كرامتْك بين الناس يبقى الراس عالي
واهديك حكمة بليغه قالها بعض الحكيمين
من لا يقدّرْك مكسب لا تعده راس مالي
وقدّم الخير تسعد يوم تنصيب الموازين
في يوم ما يفلح إلا من موازينه ثقالي
إذا تُوَفَّى الرجل مشهود له في الناس ب أمرين
أمرين من بعد موت الشخص ما عنها محالي
أما يقولون راح فلان راعي المذهب الشين
والا يقولون كان فلان محمود الخصالي