ليه انت خايف من شريعه

ليه انت خايف من شريعهْ

فيها العفافْ فيها ائتلاف

فيها المودة والترابط وانتصافْ

فيها التسامح والتكافل والنجاحْ

خايف من الحد الكبيرْ

الرّجم يعني والقصاصْ

خايف من الحد الصغيرْ

الجلد مصحوب بالصراخْ

تبقى مصمّمْ عَ الجراحْ

عايز زهورها من سفاحْ

لو كنت حر أو كنت شهمْ

لرفعت إيدك بانشراحْ

لو كنت مؤمن بالرّحيمْ

ويّا النّبي والمرسلينْ

لصرخت في رهط الرّجيمْ

هيا ارحلوا يا مفسدينْ

عن أرضنا يا مرجفينْ

فالله بريئ من ملحدينْ

لو كنت عايز تستقيمْ

لطلبت ينتشر العفافْ

أمك وبنتك ناس ضعافْ

لو سبتهم دايما تخافْ

هيكلهم الدّيب اللعينْ

لقمه طريّه كالخرافْ

بالشرع دايما منصانينْ

لِيهُمُ حقوقْ متْكرّمينْ

راسي وراسك في العنانْ

عرضك وعرضي في الأمانْ

لا حد يقدر مهما كانْ

ينظر لهم نظرة جبانْ

علشان شريعتنا الضمانْ

بالحد يرتجع اللعينْ

زرعي وزرعك في الغيطانْ

مالي ومالك عن حيتانْ

متأمّنينْ متأمنين

اللي يفكر يمّهمْ حدّه اليمين

روحي وروحك بالقصاصْ

مطمّنينْ مطّمّنين

الكل عايز منّنا

نفضل نحارب ربّنا

عن شرعنا متفرقينْ

نصبح حيارى وملحدينْ

والغرب يهتف بانّنا

متْقدّمين .. متْحررين