آني وداعتك شاطرني الفرا

آني وداعتك شاطرني الفراگ

اجيب النص مايتلاگه بالنص

اعله ضيمي الناس لبست سود الثياب

وبس انت الوحيد الضيمي ترگص.

اليحضه ابحبيبه يحرص يدوم

ونت الشوف ظهري هواي تحرص.

التوگفله لگمه يصيح ياماي

بس بيمن يصيح البال لوغص

دوخت الطبيب اشكثر مالوب

اصيحن آخ گلبي منين مارص.

گمت بالزاد اشمن ريحة اسكوت

وضوگ بذكرياتك يطلعن اص.

تحلف مابگت من عمري لو يوم

آني احلف حرامي وسارق ولص.

كريم اوياك چنت الحد الاشباع

وكريم وياي دمعك بالضحك عص.

موشلتك اهداب ابيوم تنظام

ومن تظلم احطك للنظر فص.

فقدت اوياك كل ازمام الامور

مثل سمچه ابحلگهه ترافس الشص.

يلسرك دفنته ويليدفنون

وقصه خون صرت بسري وتقص.

لاترجع بعد ماريدك اتعود..

اليعاشر حيايه يكوم يكرص