نح يا حمام الهوى بسجوع
يا من يسومه وأنا بيعه
ما فيك كود العنا وفجوع
وقرور قلبي وتصديعه
يا على ذالي شهر وأسبوع
ألطم كما تلطم الشيعة
راعى الهوى زايده مقطوع
قلبه معلق بشريعة
دُونكْ ثْوَيبي مِزوع مْزُوع
فتق ظفوري بترقيعه
راعي الهوى دايمٍ مسبوع
بالليل تكثر سعاسِيعه
وجدي على الجادل المربوع
اللي خذ القلب تفجيعه
أمني على شوفته واموع
والنفس فيها طميميعه
وخِْديدْ مَي يشع اشعوع
مثل القمر في ترابيعه
تغريك في قولها كعكوع
حمر الخواتم باصابيعه
قلب الخطا يا على مطبوع
بالصدر تخفق بترميعه