اطوي اوراقي مدادي والحبر
للقصيد الي ورا صدري جزيل
الهجوس الي وطا بحرٍ وبر
ما دخل في كتبها حرفٍ ذليل
من مقام ومن وقار ومن عبر
ومن شموخٍ فيه من طبع النخيل
ما جنيت من الصبر غير الصبر
والحصيل الي أكل كل الحصيل
والله ان لا اموت ما ذعت الخبر
لين عقب الموت فاليوم المهيل
بتقوى وأتحمل واختبر
حيل قلبٍ داخله حطاب ليل
ظالم ٍمتغطرسٍ كله كبر
في يمينه فاس وبالأخرى صقيل
ما دفني حي في وسط القبر
غير كبوات الاصايل بالاصيل
كن في عيوني مثل غز الأبر
يوم اشوف الواقع المر المحيل
ما تعداني ولا لحظه شبر
حلم ٍ اكبر من مدى البحر الطويل
ومع طريق اهل الكلام المعتبر
كل منهو جا على الدنيا نزيل
تعتبر والا عسى ما تعتبر
المهانة مالنا فيها مقيل
والخواطر طيرها طار وعبر
لين جاور في فضا الدنيا سهيل