اللهم.. لا اعتراض ولا هوان
الفجر يشرق عليه...ما غفيت
ضاق صدري من مصايب ها الزمان
والعذر كأني منه نحت وشكيت
قاسيٍ باسه معي ما يوم لان
يفجعك كانك عنه لحظه سليت
المصايب مالها سرج وعنان
من كثر ما ذقت من همّ ارتويت
دبرة المولى.. فيما قدر.. وكان
ومالنا فيما قضى يمكن.. وليت
فيا بو أحمد ما في ها الدنيا أمان
شف وطالع..غدرها في كل بيت
يا بو أحمد ضاق من حزني المكان
وكل ما شفتك يا بو أحمد بكيت
يا جعل زوجتك في عالي الجنان
ويغفر لها كثر ما إنك دعيت
وهذي الدنيا..ويالله المستعان
كل من فيها مصيره يوم ميت
عشت انا وياك كن احنا خوان
يا كبر قدرك بقلبي لو حكيت
في الوفاء والطيب لك فعل بيان
وفي المراجل اشهد إنك ما هفيت
السماحة والدماثة والحنان
والشهامة نلتها فعلٍ وصيت
ترثة أجواد لكم عز وشأن
مثلكم في الوصل ما عمري رأيت
والحظيظ اللي قبل فوت الآوان
من فعول الخير ما قال اكتفيت
والصلاة إعداد ما رفع الآذان
ع النبي وعد من شافو كميت