ياليل طال السُهاد وْضاقت أجفاني
ينزفني الحزْن، يعزف لي مواويله
أساهر الحيره أحضن دمع حرماني
من غيره الدمع يبكيلي وانا أشكيله؟
أكابد ظْروفي، أحمل جاير أحزاني
وبْقو صبْر: أرتكي للحمل، وأشيله
مخلوق تهت أرسم أيّة حلم من شاني
حاولت، لكن فشل حلمي بتأويله
شفت الفرح عافني، رَكبه تعدّاني
والقلب لازال في رجواه كل ليله
غريب عابر صحاري التيه وحداني
ماهي بدرب أسلكه وأقول باقي له
ياواقعي من عرفت أحيا وانا أعاني
فكري شتاتٍ وصبري منهدم حَيله
أصبحت ياواقعي مدري من الجاني
هو انت او حظ مايل صعْب تعديله؟