ماعرفنا الخُلق يخفي المسأله
ولا عرفنا الزيين من باطن غبي
حدث العاقل بما لا يعقله
الفخر للذات من شرع الأبي
ما مدحت النفس قصدي بلبله
جوهر الألماس يضوي ملعبي
بالحياه شفنا ذيابن آكله
تنهش بدافع تقاها المذهبي
زيف بعض الناس تحت المرجله
لحيتن تلعب على بعض العِبي
عين تسرح فوق جسم الهازله
وعين غضت..ياعيوني حاسبي
اييد تعطي..رحمة الرب آمله
واييد توصل مبتغاها بالحبي
لين شفت النفس وأهيه غافله
سارحه بمهجة خيالي وكوكبي
أخذي يانفسي بعض من أسئله
لو خضع نصفك بنصفك حاربي
لو رأييتي الناس تعصي جاهله
لايطول الشوف..ذاتك راقبي
من يشوف الغير..يخلق له صله
ف إمتحانك حاذري ولاترسبي
أنظري بعض الورود الذابله
لاتشوفي الجاه مره وتطلبي
لو يسير الركب شدي راحله
أحفظي جنبك وبحفظ جانبي
ولا سألتك من بعض هالاسئله
باعتزاز النفس ردي..جاوبي
ولامدحتك ما خلقت المشكله
المدح ف النفس ماهو مأربي
المدح لو زاد يصبح معضله
يعني لا هذا ولا هذا...أبي