لو قويتي الصد صدّي ، ون بغيتي لا تردي
ماني متوسل حنينك ، أو بعاتب فيك قلبي
صح جرحتك ، في كلامي ، بس وربي مو بقصدي
ألف مره قلت آسف ، وإعذريني لو تحبي
أو كذا روحي جريحه ، مع بقايا حلم وردي
ون تذكّرتي هوانا ، قولي ويش الحل ي ربي
ليه ضيّعنا المحبه بالمعاند والتحدي
المفارق كان ذنبه وأدري أيضا ً كان ذنبي
ياحياتي أرحميني وأرحمي نفسك ، وهدّي
الغلا فينا تمكّن ، مهما ياعمري نخبي
ماجرحتك غير لنّي ، ودي يكبر فيك ودي
والعتب أحيان يجرح ، للأسف ويكون سلبي
للزعل ماعاد عمري يادفا الأيام يمدي
كل لحظه تمضي دونك ، قرّبت للموت دربي
أنتي الدنيا وحبك أغلى شي ف الدنيا عندي
وأدري أغلى شي عندك يا بعد ه الروح قربي
شوفي كل الدنيا توقف لو زعلتي مني ضدي
حتى قلبي مني يزعل لو دعيته...مايلبّي
لو زعلتي ويل حالي ، أنتحب ف الهم وحدي
خوفي لو زعلك تمادى ، ينتهي حبك وحبي
يا غلا نبض المشاعر ، سدّي باب الصد سدّي
لو جرحتك هذا قلبي ، شبّي فيه النار شبّي
يا عسى أفديك كلي ، يا قمر أيام سعدي
موت واحشني دلالك ، يانسيم الكوس هبّي
لا يغرك طول صبري أو غروري والتحدي
في غيابك حيل أعاني والخطا مني وذنبي
ماني متوسل حنينك ، ون بغيتي الصد صدّي
بس أمانه قبل صدك ، تذبحين أرجوك قلبي