يا حر وينك عن هل الكفر ياحر
فينا بيوت الله وحنا عباده
في كل عام نذوق من كاسك المر
يا شين جوك ما قدرنا اعتياده
بعد البراد وبعد طلعات للبر
والضو من حوله غشتنا السعاده
ثم عقبه الامطار هلت ولا قر
سالت بها الوديان خير وزيادة
اقبلت يا وقت التعاسة وتجتر
كل المصايب عندنا والبلادة
ياحظ من يرقى على مركب حر
ما يخفق الجنحان صعب قياده
يسوس راسه كبتنٍ لا بغى يفر
حرك دركسونه عليم بشهادة
صوب الديار اللي بها البر اخضر
والجو جوٍ ما يجيب النكادة
ينسي لهيب الحر يا صالي الحر
يا الله لطفك ياللطيف بعبادة