تحت بند الحروف الاربعه
غزلت نسيم الرغبه توكه ف شعرها
واتزينت
للحلم اللى ناعس فوق مداين عرشها
فتحت بيبان الرغبه
قالت: هيت لك
وف لحظه الانتظار
لحظة ما الكل مستنى
يبارك تفاصيل اللقا
هم بيها الشعر
تحت نفس البند
حبلت الزهرة البريئه
بروح قصيده
ولما أتاها المخاض
هزهزت في الجذع
وقّّعت فى الابجديه
بس كان الطرح كله أسئله واستفسارات
نطق السكات
من تحتها بيسأل:
ليه مانزلش من السما
برهان؟؟