كل اللي عدى.. عاد
في الذكريات ينعاد
جوات عيون الحرف
يرسم فرح وآهات
يحكي حكاوي الحلم
وقت أما جاب أولاد
ورقصنا بيه أشعار
وهزمنا بيه أخطار
وحتى لما انهزم.. في خُطاه.. ربيعنا وشاب..
شباب قلوبنا.. داب
والحلم ولى فرار
دلوقت راجع ليه؟
يمكن صُعبنا عليه
رق الحنين واندار
والا الحياة أسرار؟
يعني ان ما جاش نِبكِيه
ونشِيل نحُط عليه
وان جانا نسأل ليه؟
دا يا سعدُه مين تِهَاديه..
أنسامُه بالتلاحين
والحين يعيش الحب
لو بالخيال أشعار.