انا المغلوب علي امري
وانا الغالب
انا المعكوس ف الناتج
وانا الواحد
وانا الزاهد
وانا الجاحد
وانا اللي ف عز ما بتجيلي
بتداني واتباعد
ولما تسرقني ايامي
ارجع راكع اتمارض
احس باني محتاجلك
واني صح مشتاقلك
وان الباقي من عمري
هيبقي لعزتك شاهد
واني ابنك البكري
واني لايمكن اتنازل
اتاري الكلمه ف النازل
واتاري كل شئ واحد
بيتكمل بيك ويتوحد
الشمس مهما تتغمي
الشروق والغروب واحد
بترعي الكل مِتوَحًد
لانك عالي ومُوحَد
وانا اللي عمري
فات بالعكس
اخترت تكون معكوسي
عشان اكون واحد