وساعات الحلم بيتكسر
لمجرد نسمه صيف
حتي الاحلام ممكن تتغش
وممكن جدا بنضحي
وبنصحي الحلم الميت
علي رف الميس
جيد جدا لما تظييييط
وتفسر ام ملامح الكلمه
وبير الحلم مهوش غويط
انا فاكر بنت جيراني
اللي كل اللي بيربطنا
صباح الخير
وفاكر سقفه نور علي
فرق بسيط
الذكري اللي بتجمعني
مع حلمي العيل
الشبعان اوي م التخبيط
مجرد كراسه رسم
مع اني استاذ شخابيط
انا اسم ومثبت ف بطاقتي
وصوتي الساكت ممنوع
والحاله لو بقيت فاضيه
مقبوله وكمان النوع
انا ضمن العالم الباركه
علي جسر الجوع
وحيادي لو يوم هتكلم
مقطوع من شجره
ماهو عادي ومليش فروع
انا صامت عن اتنين من صغري
لاء والحق
لو ف صلب الموضوع
انا كافي شري بخيراتكم
بتاسف لو كان بيصدعكم
زفيري الطالع بالصدفه
في وقت نور الهوا مقطوع