ياغايبه والغياب أشعل مداهيل

ياغايبه والغياب أشعل مداهيل ..

قلبٍ أسيرٍ .. عسى ربي يعينه

في غيبتك ليلي الموحش ماهو ليل

والبعد .. تُدمي خناجرْه السنينه

قلبي حلف مايحن .. أو إنه يميل ..

الا لعينك .. عسف مهرة حنينه

حرر لك اشواقه العذبه تراتيل

ينفث في داخلْك آيات السكينه

حبك نبت فيه واخضّرت محاصيل

وحدك ملكتيه .. وحدك ساكنينه

ياحلمي اللي لقابك صدق تأويل

رسمتي لمقدمه .. روعة سنينه

يالله تعالى وضمى عاشقك حيل

يااغلي من الروح .. يادرة ثمينه

لاتجعلي اليأس في خفاقي يسيل

وأفراحي في بعدك الموجع سجينه

هذا محمد لك أشعاره معاميل

وضلوعه الجمر .. تصلاها الغبينه

فارت وهو في رجا طلتْك ويخيل ..

زولك .. ويتجسد الهم بجبينه