منّي نزلتم بالغلا منزل الروح
لبّاك ياالملتاع لو خافقي باد
ماهو بحقّ اسلا وانا اشوفك تْنوح
ماوالله ابقى دام لك شفّ ومراد
وابشر بطبّك يابعد كلّ مجروح
مانيب أناني لا ولا نيب نقّّاد
وايّامنا تجري على ماحوى اللوح
طيرٍ يطير وْ طير في كفّ صيّاد
كلٍّ خذا له من هوى البال مصلوح
وانا منى قلبي على الصدّ معتاد
رسمت شعري في هوى غرْوِ مملوح
والعمر يمضي ماهنا لي معه زاد
كم عاشقٍ من سبّة العشق مطروح
حاله طواها الياس ماعنه نشّاد
ليتك عن اسباب العنا تبعد الشوح
ما للهوى دكتور... والطبّ ما فاد