وش أحكي لك وش أحكي لك وش أحكي لك وش أحكي لك
وش أحكي لك وش أحكي لك وش أحكي لك علشانك
وش أحكي لك وصبح الكادي كان أول مراسيلك
وش أحكي لك يابسمة الألم في شفاة تعبانك
وش أحكي لك وأنا مدري منين أولك وأبديلك
وش أحكي لك وخوخك يلتحف في جلد رمانك
وش أحكي لك وأنا المشتاق أشم العطر ومنديلك
وش أحكي لك وأنا الصاحي مع غيرك وسكرانك
وش أحكي لك وعشقي يكفر أبقلبي ويصلي لك
وش أحكي لك وذنبي في غرامك يرجي غفرانك
وش أحكي لك وأنا التايه قبل القاك وأجيلك
وش أحكي لك وأنا أدري بك سراب وجيت ضميانك
وش أحكي لك وحلمي أدمنك والواقع أبخيلك
وش أحكي لك وأنا المحروم وتعطا كفوف ستيانك
وش أحكي لك وصبري مل وقلت أجيك وأشكي لك
وش أحكي لك وآمالي ترى بتابوت هجرانك
وش أحكي لك وأنا اللي يستغيثك دوم ويخيلك
وش أحكي لك ولابلل وصالك ريق هتانك
وش أحكي لك وفجري مات بين رموشك وليلك
وش أحكي لك وأنا لليوم أحفّر قبر سهرانك
وش أحكي وش أحكي لك وكل ضلوعي أتشيلك
سكنتي كلك أبصدري ولطخ دمي السانك
غرزتي داخلي جمر ونبت جمري يناديلك
تعالي والعمر مرّه وأنا جمرك وبردانك
أهلوس بك وأهذري بك وأغني بك وأغني لك
وأشمك في رئة النود وكلي يشكي أدمانك
وإذا جيتي بفكري بأشتعل وأصير قنديلك
ولايطّفي جنوني غير عذب أنفاس ريحانك
قسم ماكنت عايش قبل أشوفك صدفه وأمشي لك
وموتي لعنبو موتي إذا مامت بأحضانك
أدوّر لك شبيه ولالقيت اللي بوصفي لك
ياربي كيف مخلوقه من أنجيلك وقرآنك
تموت الناس وتحيا ناس وأنتي ( مذهلة جيلك )
وأنا شاعرك وبخلي يموت الجيل غيرانك
دخيلك وش بقى فيني عشان اعطيك وأهديلك
وش أكثر من شموخي وأنكسر لرضاك ولحسانك
أحبك ( لأ ) ويش أكبر وأبلغ من يحبي لك
أعبدك أيه أعبدك وإن كفرت أكفر علشانك
أنا بستغفر الله خالقي وأنتي ويش أحكي لك
عساني أنطرم إذا ماحرفي نال رضوانك