سيبه سيبه سيبه
خليه ياخد نصيبه
دا واحد عصر حجري
وشايل قلب غجري
لو هو قطر مجري
بكره الجنان يصيبه
ويخرج عن قضيبه
وراك وراك ياشاطر
يا ملخبط المسائل
يا مقدم الأواخر
ومأخر الأوائل
إسمك؟ ما اعرفش اسمك
ولا حتي شفت رسمك
ولا تخيلت إسمك
بعيده من قريبه
لكن لازمن ح اجيبه
وراك وراك يا غاوي
تتسلى بالمواجع
وتشرب القهاوي
بمناسبة الفواجع
شرك شعلل شرارك
وحرق جارك ودارك
وان كان على قرارك
لو حتى فين ح اجيبه
ومش ممكن ح اسيبه