صباح العيد يا نور الصباح
متى بتعود واصرخ لك هلا
متى بتعود واطلق لك سراح
مشاعر منها القلب امتلا
متى بتعود وانفض لك جناح
لطير الوصل ولطير الولا
يعود العيد وتعود الجراح
تشهربي على رووس الملا
تصحي حزن وفراق ونياح
عليك الله يرفع هالبلا
يعود العيد والعد القراح
نضب ماعاد في شربه حلا
يعود العيد والسم الذحاح
توغل في جسد عاشق بلا
يا وسع الكوخ وقت الانشراح
ويا ضيق الكون عند المبتلا
ما يوحي فاقد السمع الصياح
ولا وسع صدرق متضايق خلا
تعال الشوق ورب البيت فاح
وناح الورق في غيابك على
غصن لا هبته هوج الرياح
جفاه الورق وحلق واعتلا
تعال وريح اللي ماستراح
بعدك ولا معا غيرك سلا
يكن الدمع لو بارقه لاح
وباقي مانفده صبره ولا
يئس من رجعةٍ تقفى مراح
لغروٍ عن منازلنا جلى
تعال اخاف لو الدمع طاح
يطيح الشوق ويطيح الغلا