الليل اسود مير عنّه ليلنا هاذ محشوم
ابيض من بياض الوجيه الحاضره والخيّره
يامرحبا ترحيبةٍ ترقى مشاريف الحزوم
وتردح فرح يوم انشرح صدر الحجاز ونيّره
مقدم سليل مخضبين السيف من دم الخصوم
شيوخ روق اللي لهم جزل الفعول مجيّره
ترحيبةٍ عنّا ثبيت وعن رجل طلق السلوم
رجلٍ عقول الناس من فعله وطيبه محيّره
عبدالعزيز الشيخ مسندنا ومحزمنا يروم
صعب المعالي ماتهزه معضلات صغيّره
يا مرحبا بأمير روق وضلعنا وقت اللزوم
عبدالله ابن عمر كم جاني زبنه وجيّره
فارس وامير وصيرمي لا هبت هبوب السموم
نلقى فذراه براد وظلالٍ ماهي بقصيّره
شيخٍ مضريها على قطع الفيافي والخروم
ودعس الدوادي اللي اذاها ضرها ماضيّره
مدهالنا وكبيرنا واميرنا راع العزوم
اللي من القوه محال المستحيل تصيّره
نسل الامير المستشار النايف القرم الجزوم
فارس معَ جيشٍ ملكنا للكرامه سيّره
اميرنا قد ناب عنّا في ولانا دوم دوم
للدين ثم لأخوان نوره هالولا ما نغيّره
حنا عتيبه في نهار الحرب والماقف نقوم
قومة رجل واحد عيونه طانخات مطيّره
حنا عتيبه كلنا قرومٍ ولا فينا رخوم
مافيه احدن عاب اردانا بعيب وعيّره
حنا مجره اسمها عتابه كواكبها تعوم
وسط الفضا لين الفضا ثقل المجره ذيّره
فيها قبايلنا كواكب وسطها حنا نجوم
نهوي على العايل لعين الصرم نلعن خيّره
شيوخنا اقمارنا وحنا حواليهم نحوم
هم نورنا واللي يحاول مسهم إنطيّره
في كل يومٍ نصرنا يزداد واخر نص يوم
فاز القصيد بشاعره سلطان لكن خيّره
اما بسيف يفوز ولا بالشعر كيف القروم
واختار فوزه بالشعر ثم فاز فيه وجيّره
في خدمة الدين وبلاده حتى في فرك الخشوم
يفرك بأبياته خشومٍ غطرستها كبيّره
واليوم قمة نصرنا يوم نتشرف في قدوم
امير روق اللي فعوله فالخلايق نيّره