ماني راعي للعلوم الزايفه
ولاني بشاعر على باب القصُر
اعكس بشعري وش اللي شايفه
من ردى او طيب في هذا العصُر
دجت بالدنيا دواجه حايفه
عاصرٍ بقعا في معصرتي عصُر
مارزاني دواجها وكلايفه
كنها في جسم مياسه خصُر
مارزاني الا الرجال الكايفه
عاجزٍ احصر فضايلهم حصُر
يا بني عبس البيارق نايفه
كل هالعالم لبيرقكم بصُر
منكم الفريس وجله خايفه
وفيكم المضهود يلقا له نصُر
الخوي معكم لقى مصايفه
صرتوا ابردله من ظلال العصُر
لآ صدر عن مورد له عايفه
صرتوا اعذب له من النيل بمصُر
ماقصرتوا عنه وانتم طايفه
ماقصرتوا غير في جمع وقصُر
ياخويهم لك نصيحه ضايفه
صُر رفقتهم نصيحه صُر صُر
والله ان ابياتي فيكم هايفه
يالرشايد يااوفيا هذا العصُر