ودي أصيرك يوم واعرف خفاياك
ودي افتش عمق../..عمقك لحالي
ودي اقلّب في دفاتر سجاياك
ودي اعيشك وانت حلم ٍ خيالي
دامي عرفت ادناك محتاج لقصاك
محتاج اذوقك مر.. لوكنت حالي
احس انا ( لولاي) تحتاج ( لولاك)
خلك تصير اول..وانا اصير تالي !
محتاج اشوف اسرار هذا..وهذاك
سحر الجنوب..وكل عمق الشمالي
خليني اغرق فيك بالحيل والقاك
لاصرت انا المجنون جرّب هبالي !
ودي اعيش بوسط لجّة خطاياك
مليت من تمثيل دور المثالي !!