الجمر صمتي واللهب بعض بوحي
والشاعر المسكون بالوعي مصباح
يا سدرة في داخل القلب فوحي
هدي جدار الصمت يكفيك ما راح
لو طال دربي ما يقصّر طموحي
الله خلق في هقوتي عدّة أرواح
أحمل سلاحي ما بعد بعت روحي
في هالزمن ما فيه عاقل بلا سلاح
أكبر عذاريبي براءة وضوحي
واصعب عيوبي إني إنسان لمّاح
لا جيت افتش في ثنايا جروحي
كني أحس بشي مثل الأمل طاح
الله يا زيف الزمان الشحوحي
اللي مزج لون الحقايق بالأشباح
باقولها في صدق والناس توحي
معقول به شاعر بهالوقت مرتاح؟!!