قالوا من انت وقلت فيصل بن جزاء
شاعر سعودي والدواسر لابتي
الشعر لاقلته على الجزله رقاء
ولامن كتبته ينحني السبابتي
اسخر القيفان وتعلن لي الولاء
وجزل المعاني ميزتي في كتابتي
شارب بحور الشعر وارويت الضماء
دكتور شعر ومكسبي شهادتي
طروق الشعر سجيتها مدح وهجاء
والا الغزل واقع يحاكي حالتي
والوصف ماخليت لاارض وسماء
ووصف المزايين العذارى غايتي
والفخر في الاسلام عندي انتماء
واني سعودي ولاد زايد جماعتي
انا اساس الشعر والباقي دخلاء
وجيش الشعر غصبن يقدم رايتي
لانيب ابو الطيب ولاني ابوالعلاء
انا دوسري بالعز رافع هامتي
ماينحني راسي ولايطلب جداء
الاوانا ساجد على سجادتي
للواحد المعبود والغيره بداء
اللي وهبني الشعر واعلى مكانتي
ويااللي تسأل منهو فيصل بن جزاء
شاعر سعودي والدواسر لابتي