البارحه...! ماني مع الجن والناس.
متطرفٍ عنهم أنادي طيوفك.
اداري الاشواق واعاتب الياس.
ويهل موق الشعر فرقى حروفك.
انادي الذكرى على ساعد الباس.
وتلمّها عينٍ...! مناها تشوفك.
خليتني اضرب بالاخماس الاخماس.
وافرك حظوظٍ ولَّعتها ظروفك.
الناس..! مابين السعاده والاتعاس.
وانا على حزني وراحة كفوفك.
جرعتني مرٍ...! تملاّ به الكاس.
واحرقت قلبٍ ماتحرى عزوفك.
ترى الغلا بالجوف ماعاد ينقاس.
يدحم ضلوعٍ تنكسر ماتحوفك.
بين الغياب وجيتك موتة احساس.
طوّلت ياقلبي..! وطوّل وقوفك.
عين القلم تبكي تجاعيد قرطاس.
والكف يشكي لي قساوة رفوفك.
الصمت بنكه مادخل فيه الافلاس.
لكن شبت فيه نيران خوفك.
والهرج كثره في دواليب الانفاس.
كم ليل عطّر مسمعه من حلوفك.