هلا والمشاعر غيمة وبارق ورعاد
مطرها وصال وصدق واحساس ومروة
وانا اقول ليه الطايف اشرق ونوره زاد
وليه ابتسم ثغره وليش استوى جوّه؟؟
واثر نسمةٍ من شرق هبّت بلا ميعاد
تداعب جبال الطايف وعشبه ونوّه
ألا ياغزال الريم لك فالحشا ميراد
وجسر الوصل مافيه فجوة ولاهوّة
هلابك هلابك مرحبا والهجوس جداد
لك القلب صافي والحشا مشعلٍ ضوّه
عزمتك على دلّة وصدق الشعور قناد
سواة الذهب فنجانها ماهو موّه
غلاكم عمرله في فسوح الخفوق بلاد
وهذا الغلا من عام الاول مهو توّه