من قال نامت عيون الحب صدقني
ماغاب طيفك عن عيوني ولاليلة
حتى وانا بين خلق الله تسرقني
واسترجع الماضي وروعة تفاصيله
انت الذي في بحور الشوق تغرقني
واخرم لفنجانك اللي زايد هيله
لو تشّر اجيك والاشواق تسبقني
القلب يمّك قبل تمطر يجي سيله
ياما ليالي وجمر الشوق يحرقني
م غير اسولف لطيفك عنك واشكيله
ادمنت سجنك ولو حاولت تطلقني!!
اسرق مفاتيح قلبك وارجع بحيلة
وان حاول انسان عن دنياك يفرقني
يخسر وينكف بلا جيشه ولاخيله
خلّوا حبيبي بحبل الود يشنقني
اهواه وادمنت تعذيبه وتدليله