ياملهم الشوق نبض القلب يهوي اليك
على قناديل طيفك لهفتي تسهري
تعال نبض وغرام وشوق واحساس ابيك
تعال نخوة عتيبي مع كرم شمري
ان ما احتويتك غلا عشق وغرام احتويك
انا اصدق احساس شاعر بالمشاعر ثري
وان ماشربتك قراح ونبع حتى ارتويك
ف انا حبالي عن عدود الروى تقصري
في مسرح الجرح شف دمي ينادي عليك
مع انك القاتل اشوفك بعيني بري
على رصيف المواجع والجروح احتريك
استمطر السيف والسكين والخنجري
واكتب على الناصية من دمي اموت فيك
يالعاشق الملهم ويالقاتل العبقري
الله على كل طعنة ذقتها من يديك
ومع قو باسك لوتناظر لجرحي بري
في عين شاعرك مالك فالحلايا شريك
اسواة الالماس عند التاجر الجوهري
مزجت فن وجمال وموضة ولبس شيك
الله على السكر اللي لابسٍ سكّري
الشعر لوما تجيه بطيب خاطر يجيك
تشهد على ما اقول اقلامي ودفتري
حروف شعري ونثري كلها تهتويك
صاير اجاري ابوتمام والبحتري
حلفت لن عشت ما اكتب فيك بيتٍ ركيك
قصايدي في حضورك تزهر وتثمري
توّجك شعري على عرش القصايد مليك
وعلقت صورتك فالمريخ والمشتري
ليت الغرام ابتدا بك والهوى ينتهيك
احلى العمر في مرابع نورك الازهري