الغالي اللي غايبٍ من شهر آب
لو غاب سنة مانسيته
ماينّسى لو يمتلي صدري عتاب
اوله على حرفه وقافه وبيته
كنهّ مسوّي بين اضلاع مهذاب
ومعمّرٍ في مهجة الروح بيته
له في ميادين الوله خيل واركاب
لو يختفي في عج وقته لقيته
طاريه مسك وكادي وباقة اطياب
ارقى العطور تفوح من طريته
مفصّلٍ من خام احساس جلباب
ومطرّزه بالجاذبيه فديته
مثل النسيم اللي مع الصبح هباّب
لو صفاته كاملة ماهويته
مايشبه ا نهر في قفر ينساب
وان جف تظماه الحروف وظميته
ويشبه ا غصن في راس مرقاب
مياس ف احضان السحايب مبيته
يابلسم المجروح ياطب اطباب
غروٍ حواني بالغلا واحتويته
انكان ودك تجعل الصمت محراب
صمت المشاعرظلم لجلك رضيته
تعال قاف الود والشوق ماشاب
اليااشرقت شمس الهجوس ابتديته
واللي سكن مابين جفنك واهداب
ياكبر ذنبك كان منها نفيته
في كل يوم يطيرلك شوقه اسراب
ي اجمل غرام بنبض قلبي شريته
حرفك على ثغر المزن بسمة اعجاب
واتلى اسم من روعتك نال صيته