من شدّة أحزاني ولا قادر أرثيه
مجنون يطرد مع خياله سرابه
من قال ميّت والخبر صرْت قاريه
مصدوم ينكر هالخبر في غرابه
هذا يقول: البارحة كنت أحاكيه
وهذا يقول: اليوم طقّيت بابه
سعيدَ الِخْرومي توفّى معاليه
واليوم دفنه يالنّقب في ترابه
والكلّ يرسل للنّقب في تعازيه
واصبح عشانه يوم ذكرى ضرابه
هذا النّقب مكسور كاين يداويه
-يوم ورحلته كان هذا خرابه
من يعرف المرحوم يدري بما فيه
معطى حياته للنقب من شبابه
متواضع أفعاله مبسّم مغاليه
وكلّ النّقب سعيد فيهم قرابه
ولا تظن افيوم خيّب مناجيه
كرّس حياته للنقب وانتدابه
والناس الا يا ليت تحذي حذاويه
ومثلما تعرف طريق وصوابه
يوم ويجي كنّا ننادي حواليه
ونلمس أطرافة ونهى بطيابه
ما كان متعالي وعالي مباديه
ي الله ورفع في مقامه وثوابه
ما كان يترك خير إلّا مشى بيه
كنّ الرجولة طامعه في شهابه
يالله كود انّك بفعله تجازيه
يالله ندعي وانت منّك إجابة