لوّ اتحكّم في تصاريف الاقدار
ماشفتني يوم الوداع اتحاشى
صدري هشيمً تشتعل جوفه النار
وحلمي رمادٍ في عيوني تلاشى
معلوق قلبي ياعرب يطلب الثار
ركايب همومه لفتني عطاشى
ورّدت له من صدمة الوقت تذكار
وصدّرت دمعٍ فوق خدي تناشى
ازريت افسّر للمعاليق وش صار
عذري مع التفكير عيّا يتماشى
والضيقه اللي فالحنايا لها اثار
من قوّها نفسي عليّه تغاشى.
هبت هبوب الصد واعلنت الابحار
والهجر سمّه في عروقي تفاشى