ليه النهاية بالفراق..
عهد انكتب بين الأحبة والزمن؟
ليه المحبة والعناق..
دايم تكون جروحنا لأجله ثمن؟
ليه المفارق بالملام
ليه الموادع بالخصام
ليه أقبل أحكام البشر
أرفض وداعك والسلام
نجلس تحت ضيّ القمر
نتأمل الأيام ودروب الهوى
نتأمل قطار العمر..
لو نركبه لوين بنسافر سوى؟
يا للهوى لازم نموت
والا يفرقنا السكوت!
ليه أرفض أنصاف الحلول؟
عمري بحسراته يفوت؟
جرب ولو مرّه معاي..
نشعل ليالينا ولا تطفي أبد
العمر واحد يا غلاي
خليه يفنى حبّ خالد للأبد
بأعذب نغم وأصدق قصيد
غرام يشعل في الوريد
يذوّب قلوب الحجر
والحبّ يحيى من جديد