إن جيت للحقّ، ما لك حقّ تفتنّي
يا كايد الحسن أرفق بي على مهلك
يكفي خيالك وهمساتك تجننّي
ودقات قلبي تسابَق يوم أوجّه لك
والسحْر بعيونك اللي هي سبب فنّي
تجهل بسحرك وكم تختال في جهلك!
خذ عنّي أنّك حلا الدنيا وخذ عنّي
أن المطر في جماله صار يشبه لك
ملكْت كلّي وكلّك دوم يسكنّي
بالحيل صعبه على غيرك ويا سهْلك
ياللي وجودك أمل ضيّه يطمنّي
وإن ضاق صدري، لساني غصب ينده لك
طاهر وعفوي وعفوك لو بدر مِنّي..
تقصير في وصف طيبٍ عذب من نهلك
عندي سؤال وعسى ما أكون متجنّي
من أيّ كوكب سريت وجيت مع أهلك!