يامن خلق دمعات.. وجروح.. وأحزان
أسألك خفف عنّي همّي شويّه
مثلي مثل جثمان بأوصاف إنسان
ميّت شعوره.. بين لحظه أسيّه
يا ربّي عبدك أصبح اليوم تعبان.!
والحزن باني له بقلبه خليّه
ضاقت على قلبي مرابيع الأوطان..!
والكون كلّه...! قد تضيّق عليّه
مالي على فرحي أنا اليوم سلطان
لأنه جيوش الحزن مِنّي وفِيّه
أسهر بليل العيد والكل فرحان
والهمّ بيّن..! وسط هالعين ضيّه
تتعبني طعناتن تجيني من أخوان.!
ويتعبني أكثر.. لو طعونه قويّه
والصاحب اللي خانها.. سنين وأزمان
بطوي معاه سنيني مليون طيّه...!
وش فايدة صاحب لقا منّي إحسان..؟
ورَدّ الإحسان.. بعلومن رديّه
احترت..!!! ما بينه كذوبن وخوّان
أعطاني صدقه بالبدايه عطيّه
أحسن أعيش العمر..! من دون خلان
ولا ألاقي من خليلي خطيّه..!
وينتهي عيدي وما زلت ضيقان
والجرح جاني وسط عيدي هديّه
وأردّ أشكي..! يا إلهي.. يا رحمن..!
أرجوك...!! خفّف عنّي همّي شويّه