يا وابور البحر العالي
صفّر دا الساعة اتنين
يامعدى قنالنا الغالي
بجنودنا ياضى العين
صفّر وقوام تعالى لى
مشتاق وبقالى سنين
واقف ع الشط التانى
ياللابْنا قوام يا وابور
دا بقالها زمان وحشانى
جاى لِك ومعايه النور
جاى لك وهنرجع تانى
حققنا أغلى عبور
جيش الأبطال بينادى
وبعون الله منصور
وافديكى بدمى الغالي
وعدوى خلاص هيغور
طيران فى الجو يلالى
دا ولادنا أسود ونسور
حالفين يفضلوا طوّالى
مهما الأيام هتطول
حافظين العهد الغالي
من غير بهتان ولا زور
ويخلوا جبينك عالى
على مر عصور وعصور
نفرح أيام وليالي
نزرع بساتين وزهور
من عند السد العالي
ولغاية جبل الطور
يا وابور البحر العالي
ياللا صفّر يا وابور