ما بين قلبي وبين عيني
داريتك يا ضيا عيوني
عن الأفكار
وخبيتك في ليل شوقي
وحرّمتك على ظنوني
في ليل ونهار
وقلت أعيش هواك وحدي
والاقي ف ضحكتك سعدي
بلا أكدار
في نور قربك بنيت لي مقام
في محرابه أصلي.. وانام..
على الأشعار
وضحكة صوتها بيدفي
واشوف الدنيا في كفي
ملانة خَضار
أتاري الحلم..صحَّاني
في سوق الوهم.. سهَّاني
وفاتني وطار
وحيد وجراحي في قلبي
وبرد الوحدة بقى صاحبي
في ليل غدار
وأمر الحب مش أمري
وكان حبك هنا بصدري