في حياتي لغز غابر صعب تلقى له جواب
الزمن وبعز قدره حيرته المسأله
بالكآبه كان حظه،، يمتليه الإكتئاب
لو تكذبني تفضل يا حبيبي إسأله
المصيبه يا خفوقي كم يعذبني المُصاب
والحقيقة كل ابوها في حياتي مُعضله
لو اناشدها حياتي ردي قلبٍ في الغياب
طوّل ابفرقاه قلبي صارِ حاله يجهله
وايتقلب في منامه جرح وراه العذاب
ما هنا بالنوم لحظه كل لحظة يقتله
لا هنا بالعمر شفته ولا خفوقن فيّ طاب
ليه يا هذا حسافة قلب حَبك تِذبله
الجزا صعبن اعيشه اصعب اصنوف العقاب
لي حبيبٍ لك تشوفه كل عشقك بدله
صار يهنا بحد ثاني كم تمنيت التراب
يحتويني بين حضنه ريتني ارتد له
آه يا لغزٍ اعيشه وما لقى قلبي جواب
شاللذي سواه قلبي؟ وتستمر المسأله