عِدت الصياغة لجل اغير مفاهيم
مير اظلمتني الليالي العقيمه!!
قوّت جروحي زودت حلكة الظيم
وذابت بها سطوة عقولٍ حكيمه
خلطه من الحيرة وفي القلب تعميم
دربٍ خطيرٍ والأماني سقيمه
واللي يقرب جانيٍ،، خير تكريم
بعض الجروح اللي تحطه تقيمه
من قال للأحلام نغمة وترنيم؟؟!
ولا الهوى ياتي بليا عزيمه؟؟!
حتى بقتل الروح،، تبقى مراسيم!!
تحفظ قداسة كل خطوة جريمه!!
وانا من اللي في القضيه مظاليم
ارجى ترد الروح والقى العزيمه
تِشعل بروق الحُب في خافق الريم
تِذهب ملامح كل نفسٍ،، ذميمه
ما ظنتي اطلب هضابٍ من التيم
ولا نشدت العشق واقصى جحيمه
مثلي مثل هالوقت احتاج ترميم
والحب عاهاتٍ وبي مستديمه
ما يجبره فيني من النون للجيم
ومن جيمه ال نونه اناشد هزيمه
والرعد لا منه تصدر هوى الغيم
ثارت رفوفٍ بالمحبة قديمه