تِحَملت العَنا منك وفاضت فيني اجروحي
صبرت او لا يفيد الصبر مع من ينكر العشره
وبديتك على نفسي على قلبي على روحي؟!
وتَدفن كل ذِكرانا بجوف الذاكره حُفره
تعبت اساير اجنونك واموت ابهمي او نوحي
وانته،لاهي اتقضي مطالب نفسك الخضره
غفيت ابوهم والآخر قصمت احساسي ودوحي
ولا يملا عيونك ذي سوى صفعة هوى مُره!!!
عساك اتحس دام اني،، ابطلّق هم مكبوحي!!
وامارس مثل عاداتك،، واذوّق قلبك الحسره
عساك اتموت في همك،، وموتك عندي مسموحي!!
بعد ما صار اذلالي،، طريق الفَرح والسكره
بداوي ضيقتي ابيدي وادواي قلب مجروحي
انا ما عدت انا،،دوّر سِواي إتفنن ابغدره!!
زمان اللي تبي يرجع،، غدا ماضي وممسوحي
ومالك غير هالحاضر،، ولو هلت بك العبره
ترى ما عاد يتغير،، ولا عادت لك اصروحي
سكنها غيرك اتحمل،، لغيري حاول الهِجره
ابي ابدا من الأول،، واشيد كلي ابروحي
معاه، وما ابي قلبك،، ولا اسبابه وعذره