ياما تغنيت بفناجيل الأبيات
هيفٍ ورا كيفٍ ماتقدر تهزه
لى صاغ شعرٍ ما بالعمر مات
لو يفنى الجسد له بيتٍ يعزه
به تصحى أمم وتطيح رايات
شطرٍ يهد أمة وشطرٍ يفزه
كن ترسل مع البيت غارات
وترقى بها على راس المعزه
ويا خيالي حوم ولا تبات
واكتب المعاني في كل حزه
الشعر سيفٍ ماتسله للأموات
ولا هو بزينه ولا تفق برزه
للشعر ناس واعلام ورايات
وهو شرعٍ للثقافة ورمزه
يشهد له الدهر كل اللغات
إلا اهل العقول المستفزة
لا يكتبه كل داني وشمات
ولا يسمعه الجاهل ويجزه
مثلما هم الطيبين للطيبات
حتى الشعر له طيب يرزّه