حدر القمر
حدر القمر صوّت لخلّه وناداه
ثلاث مرات وبالرابعه ون
حدر القمر ياما همس له وناجاه
وعيونهم ياما بنوره تلاقن
والبارحة عدا على الذيب بعواه
وقفت ظنونه بالليال يتعادن
مرن حوالينه ومرن تعداه
ومرن تضاحك له ومرن تباكن
هاذي سواة اللي عن النوم قزاه
طيف حبيب اللي على خاطرة عن
إن شافت عيونه جمال تمنّاه
ون وصوّت لقمري لصوت الهوى حن
الجارحه تجرح وتسري وتنساه
وجروح مجروح الليالي تساقن
والخافيه طعنة زمانه تمثناه
والبيّنه عنها عيونه يبوحن