لا تنطري عالباب تا ارجع
يا امي العمر كزاب ما بيوفي
بعدو الربيع بقلبك بيطلع
ايدك صلا بالحب ملفوفي
بعدو ببالي الصوت عم بسمع
تتعلميني اول حروفي
وبعدو ببالي قلبك بيوقع
قبل الشهادة الخدتا بصفوفي
العين ال عالمخدي غفت تدمع
وشفافك اللي باست كفوفي
صوتك يا امي بالحرب مدفع
،وكل الوصايا هون مصفوفي
راجع بهالتابوت تا ارفع
راية وطنا وبكرا بتشوفي
بطلب يا امي بالصلا وبركع
يرجع بنا هالعمر نتوفي
تا شيل عيني والقلب اقلع
وقضي العمر بي عين مكفوفة
ولفن بهالنجمات ال بتلمع
وقدمهن هديي الك بالعيد